Сасновіч выйшла ў паўфінал турніру ў Румыніі

Аляксандра Сасновіч выйшла ў паўфінал турніру ў Румыніі (WTA-250 у Клуж-Напоцы). У пятніцу ў матчы 1/4 фіналу беларуская тэнісістка ў трох сэтах абыграла ўкраінку Ангеліну Калініну — 2:6, 6:4, 7:6 (7:3). Сустрэча працягвалася больш за дзве з паловай гадзіны.

Сасновіч — 128-я ракетка свету, яе саперніца — 49-я.

Паўфіналы пройдуць у суботу. Саперніца Аляксандры Сасновіч — Анастасія Патапава (32) з Расіі.

Беларуская тэнісістка раней прайграла рашаючы паядынак адбору на гэтым турніры. У асноўную сетку яна трапіла як "лакі лузер".