Арына Сабаленка выйшла ў паўфінал Адкрытага чэмпіянату Аўстраліі
Арына Сабаленка / Eastnews
Беларуска Арына Сабаленка выйшла ў паўфінал Адкрытага чэмпіянату Аўстраліі па тэнісе.
У чвэрцьфінальным матчы яна сустракалася з амерыканкай Івай Ёвіч. Першая ракетка свету ўпэўнена перамагла саперніцу ў двух сэтах — 6:3, 6:0. Сустрэча доўжылася 1 гадзіну і 30 хвілін.
Каментуючы гульню пасля завяршэння, Сабаленка парэкамендавала не звяртаць увагі на выніковы лік: "Ёвіч выдатна атакуе, трымае мяч. Гульня атрымалася цікавай, давялося прыкласці максімум намаганняў, каб дамагчыся поспеху".
Гэты выхад у паўфінал турніру "Вялікага шлему" для беларускай тэнісісткі 14-ы ў кар'еры і шосты раз запар.
