Сабаленка чацвёрты раз запар выйшла ў фінал Australian Open
Арына Сабаленка / Getty Images
У паўфінале тэніснага турніру Australian Open беларуска Арына Сабаленка ўпэўнена абыграла ўкраінку Эліну Світоліну — 6:2, 6:3. Матч працягваўся 1 гадзіну 17 хвілінаў.
Саперніца Сабаленка вызначыцца сёння ў другім паўфінальным матчы. У ім сустракаюцца Алена Рыбакіна (Казахстан) і Джэсіка Пегула (ЗША). Сам фінальны паядынак прызжначаны на 31 студзеня.
Беларуская спартоўка выходзіць у фінал Адкрытага чэмпіянату Аўстраліі па тэнісе ўжо чацвёрты раз запар. Яна атрымала перамогі ў гэтым турніры ў 2023 і 2024 гадах. А ў 2025-м Сабаленка ў фінале саступіла Мэдысан Кіз.
Here's how the world No.1 did it https://t.co/mKEJehRBrW pic.twitter.com/lxTOcMAMhq
— #AusOpen (@AustralianOpen) January 29, 2026
