У Брэсцкай вобласці пагоршылася сітуацыя з падзяжом жывёлы
Гэта адбылося ў палове гаспадарак вобласці / LookByMedia
У студзені 2026 года ў Брэсцкай вобласці пагоршылася сітуацыя з падзяжом буйной рагатай жывёлы — 134,1% да студзеня 2025 года. Яго рост дапушчаны ў 14 з 16 раёнаў і 107 гаспадарках (са 184) вобласці. Такія звесткі прыводзіць Камітэт дзяржаўнага кантролю. Дакумент у распараджэнне рэдакцыі Еўрарадыё перадала арганізацыя BELPOL.
Падзеж вышэйшы за тэхналагічныя нормы зафіксаваны больш чым у палове (94, або 51%) гаспадарак.
Працягваецца таксама рост падзяжу кароў — 106,9% да студзеня 2025 года, 32,5% у структуры падзяжу, рост у 7 раёнах і 81 гаспадарцы.
Найбольшы рост падзяжу кароў зафіксаваны ў Ляхавіцкім (157,1%) і Ганцавіцкім (142,1%) раёнах.
Праз неналежны догляд у сельскагаспадарчых арганізацыях у большай ступені гінуць цяляты ва ўзросце да 6 месяцаў.
