Траціна правераных крамаў Гродна гандлюе няякаснай садавіной і гароднінай — КДК
Гнілая бульба, ілюстрацыйнае фота / kartofelexpert.ru
Камітэт дзяржкантролю Гродзенскай вобласці праверыў наяўнасць садавіны і гародніны ў крамах абласнога цэнтра. Парушэнні былі выяўленыя ў 14 крамах.
У чатырох крамах у продажы не было бульбы, капусты, цыбулі і яблыкаў. У кожнай трэцяй праверанай краме прадаваліся недабраякасныя гародніна і садавіна. Таксама былі выяўленыя выпадкі, калі садавіна і гародніна прадаваліся без цэннікаў і без маркіроўкі з указаннем вытворцы і ўмоваў захоўвання.
Як адзначае прэс-служба КДК, няякасная гародніна і садавіна знятыя з продажу.
