Дырэктар зарабіў каля 50 мільёнаў, утойваючы мёртвых свіней
На адной са шчучынскіх фірмаў дырэктар па свінагадоўлі ўтойваў гібель свіней і атрымліваў прэміі. За 1,5 года ён зарабіў каля 50 млн рублёў.
Як піша "Вечерний Гродно", цяпер аднаго з кіраўнікоў шчучынскай фірмы, які займае пасаду дырэктара па свінагадоўлі, падазраюць у злоўжыванні службовым становішчам. Па версіі праваахоўнікаў, ад пачатку мінулага года па сёлетні травень ён даваў падначаленым указанні змяншаць у справаздачах колькасць памерлых свіней.
Дзякуючы такой "ўдарнай" працы начальнік пазбягаў дысцыплінарнай адказнасці і атрымліваў грашовыя надбаўкі за складанасць і напружанасць. Гаворка ідзе пра суму каля 50 мільёнаў рублёў.
Фота — dreamstime.com
