Кібермахляры дабраліся да Wildberries
Wildberries / Wildberries.ru
Кібермахляры дабраліся да Wildberries. Яны прыдумалі, як падмануць тых, хто шукае там працу.
Ашуканцы прапануюць запоўніць анкету, дзе, між іншага, трэба ўказаць асабістыя даныя і нумар банкаўскай карты. Нібыта для выплаты заробку. Далей нібыта трэба спампаваць файл з "відэаінструкцыяй па працы" і ўвесці "трэк-код".
Усё выглядае максімальна лагічна. Але пасля таго, як лічбы "трэк-коду" аказваюцца ў махляроў, яны атрымліваюць доступ да рахунка ахвяры.
Калі трэба пачаць сумнявацца:
• калі для камунікацыі прапануюць з Wildberries перайсці на нейкія іншыя платформы
• калі ўмовы працы падазрона выгадныя
• калі патрабуюць уносіць грошы ці паведамляць коды доступу.
Кампанія нагадвае, што, каб нешта спраўдзіць, заўжды можна звярнуцца ў афіцыйную службу падтрымкі.
