Рабаўнік крамы сам папрасіў выклікаць міліцыю
П'яны, ілюстрацыйнае фота / pixabay.com
Незвычайнае здарэнне адбылося ў Барысаўскім раёне. Жыхар вёскі Іканы прыйшоў рабаваць краму і пры гэтым сам папрасіў выклікаць міліцыю.
Як паведамляе УУС Мінскага аблвыканкама, п'яны 51-гадовы мужчына зайшоў у краму і заявіў, што адбываецца рабаванне. Ён запатрабаваў, каб прадавачка выдала яму бутэльку гарэлкі, цыгарэты і хлеб. Таксама мужчына настаяў, каб тая выклікала міліцыю.
Да прыезду міліцыянтаў нягеглы "рабаўнік" сядзеў на прыступках крамы і піў алкаголь.
Мужчыну затрымалі. На яго пачалі крымінальную справу па факце рабавання.
