З 1 лютага вырасце памер субсідыі на ўласную справу

Міністэрства працы і сацыяльнай абароны Беларусі абвясціла аб павелічэнні дзяржаўнай субсідыі на адкрыццё ўласнай справы. У асобных выпадках сума можа дасягаць да 10 000 рублёў. Павышэнне ўступіць у сілу з 1 лютага 2026 года.

Якія будуць новыя памеры субсідый:

• 11 бюджэтаў пражытковага мінімуму (БПМ) — у гарадах (па 30 красавіка 2026 года — 5 466,56 рубля);

• 15 БПМ — у малых гарадах і раёнах з высокай напружанасцю на рынку працы, а таксама ў сельскіх населеных пунктах (па 30 красавіка 2026 года — 7 454,4 рубля);

• 20 БПМ — пры арганізацыі беспрацоўнымі прадпрымальніцкай дзейнасці, звязанай з укараненнем вынікаў навуковых даследаванняў і распрацовак (па 30 красавіка 2026 года — 9 939,2 рубля).

Якія ўмовы прадастаўлення субсідыі:

• быць зарэгістраваным як беспрацоўны ў службе занятасці;

• быць старэйшым за 18 гадоў;

• напісаць заяву ў службу занятасці і падаць бізнес-план (спецыялісты могуць дапамагчы з яго падрыхтоўкай).