У Індэксе вяршэнства права Беларусь апусцілася на 36 пазіцый за 5 гадоў
Турма на Акрэсціна, ілюстрацынае фота
Беларусь заняла 105-е месца ў свеце ў Індэксе вяршэнства права. Яшчэ 5 гадоў таму нашая краіна была 69-й.
Згодна з WJP Rule of Law Index, з вяршэнствам права ў Беларусі горш, чым у Эквадоры, Замбіі ды Кеніі. Наша краіна аказалася на адным узроўні з Ліванам і Гватэмалай.
Сярод суседзяў Беларусі найвышэйшая пазіцыя ў Літвы — 18-е месца. Латвія апынулася на 21-м, Польшча — на 32-м. Украіна заняла 90-е месца, Расія — 119-е.
У лідарах рэйтынгу — Данія, Нарвегія і Фінляндыя. Апошнія радкі займаюць Камбоджа, Афганістан і Венесуэла.
