Дзясяткі віцебскіх дамоў усю ноч заставаліся без ацяплення
Аварыя на цепласетцы ў Віцебску / "Віцебскэнерга"
Дзясяткі дамоў усю ноч заставаліся без ацяплення ў Віцебску. Тэмпература паветра ў горадзе пры гэтым апускалася ніжэй за -23°C.
Увечары пятніцы не вытрымала частка цепласеткі каля вуліцы Горкага. Прарыў закрануў дзясяткі жылых дамоў, дзетсады, магазіны і віцебскі рамонтны цэнтр сістэмы ЖКГ — будынкі засталіся без ацяплення і гарачай вады.
Раніцай суботы аварыю атрымалася ліквідаваць.
