Гутэрыш кажа, што ААН на мяжы фінансаваха краху
ААН / Канцылярыя прэзідэнта Польшчы
ААН знаходзіцца "на мяжы немінучага фінансавага краху", заявіў генеральны сакратар Антоніа Гутэрыш у лісце ўсім амбасадарам пры арганізацыі.
Прычына ў запазычанасцях па ўзносах з боку некаторых краін. Свой унёсак у бюджэт арганізацыі на 2026 год зрабілі пакуль толькі 36 дзяржаў са 193, якія ўваходзяць у ААН. Большасць праблем утварыліся праз запазычанасць ЗША — краіна вінная амаль 2,2 млрд долараў.
ЗША былі найбуйнейшым донарам АНН, але адмовіліся плаціць унёскі ў рэгулярны бюджэт і бюджэт міратворчых аперацый, а таксама выйшлі з шэрагу агенцтваў, назваўшы іх працу "марнай тратай грошай падаткаплацельшчыкаў". Некалькі іншых членаў арганізацыі маюць запазычанасць або проста адмаўляюцца плаціць.
У сваім лісце Гутэррыш напісаў, што ААН і раней сутыкалася з фінансавымі крызісамі, але цяперашняя сітуацыя "катэгарычна адрозніваецца". Прыкладам, у штаб-кватэры кампаніі ў Жэневе так адчайна намагаюцца зэканоміць, што рэгулярна адключаюць эскалатары і зніжаюць узровень ацяплення.
Або ўсе дзяржавы-члены павінны выконваць свае абавязкі па поўнай і своечасовай аплаце, або кардынальна перагледзець правілы фінансавання АНН, каб прадухіліць фінансавы калапс, кажа Гутэрыш.
