Абнавілі рэйтынг самых "моцных" пашпартоў свету. На якім месцы Беларусь?
Пашпарт Беларусі / БЕЛТА
Кампанія Arton Capital прадставіла Global Passport Power Rank 2026 — рэйтынг самых "моцных" пашпартоў свету.
У рэйтынгу "моц" пашпарта вызначаецца паказчыкам мабільнасці, які ўключае ў сябе прывілеі безвізавага рэжыму і магчымасць атрымання візы па прыбыцці.
Лідэрам рэйтынгу стаў пашпарт Аб’яднаных Арабскіх Эміратаў (паказчык мабільнасці — 179).
На другой пазіцыі — Сінгапур (175) і Іспанія (175), а на трэцім месцы з паказчыкам 174 балы размясціліся адразу 18 краін: Бельгія, Францыя, Швецыя, Германія, Нідэрланды, Фінляндыя, Люксембург, Італія, Данія, Партугалія, Швейцарыя, Грэцыя, Аўстрыя, Малайзія, Нарвегія, Ірландыя, Паўднёвая Карэя і Японія.
Беларусь апынулася ў спісе на 59-й пазіцыі (паказчык мабільнасці — 92). Лепшымі сярод краін-суседак прызнаны пашпарты Польшчы і Латвіі — яны на 4-м месцы.
