Мінск увайшоў у дваццатку гарадоў свету, зручных для пешаходаў

У рэйтынгу зручных для пешаходаў гарадоў свету Мінск заняў 16-е месца. Сярэдні час, неабходны жыхарам горада каб пешшу дабрацца да ключавых выгодаў, ацанілі ў 8 хвілін 36 секунд. Адпаведныя звесткі прыводзяцца ў даследаванні Visual Capitalist.

Аўтары даследавання разглядалі гарады з насельніцтвам больш за паўмільёна чалавек. Іх праца паказвае, што пешаходныя супольнасці спрыяюць павелічэнню фізічнай актыўнасці, зніжэнню ўзроўню атлусцення і індэкса масы цела, а таксама павышаюць узровень шчасця і ўмацоўваюць сацыяльныя сувязі.

Ключавымі аб'ектамі ў горадзе з'яўляюцца школы, бальніцы, рэстараны і крамы. Сярэдні час, неабходны каб дабрацца да іх — 15 хвілінаў хады.

Тройку лідараў склалі Мілан, Капенгаген і Турын. Сярэдні час да ключавых аб'ектаў у іх у даследаванні ацанілі ў 6 хвілін 24 секунды, 6 хвілін 36 секунд і 7 хвілін 6 секунд адпаведна.

45 з 50 самых пешаходных гарадоў размяшчаюцца ў Еўропе. Гэта тлумачаць гістарычным развіццём гарадоў і стратэгіямі, дзе пешыя прагулкі маюць прыярытэт.

У першыя 50 пешаходных гарадоў увайшлі таксама Кіёта, Тайпей, Тайчжун, Катманду і Токіа.