У Кіеве спынілася метро з-за маштабнага адключэння электраэнергіі
Метро ў Кіеве / getty images
Рух цягнікоў у метро Кіева сёння быў цалкам прыпынены з-за перабояў з электразабеспячэннем. Аператар падземкі паведаміў, што часова спынены як цягнікі, так і эскалатары. Прычынай стаў выхад з ладу знешняга цэнтру электразабеспячэння.
Пакуль электразабеспячэнне не адноўлена, станцыі метро будуць выкарыстоўвацца як прытулкі падчас расійскіх атак, заявіў мэр Кіева Віталій Клічко ў сваім тэлеграм-канале. Калі менавіта рух цягнікоў адновіцца, пакуль не паведамляецца. Гарадскія службы працуюць над ліквідацыяй аварыі.
Акрамя таго, з-за аварыі ў энергетычнай сістэме ва ўсіх раёнах украінскай сталіцы адсутнічае водазабеспячэнне, паведаміла прэс-служба "Кіеўвадаканала".
У той жа час электрычнасці няма ў Чарнігаўскай, Сумскай, Жытомірскай, Дняпроўскай і Адэскай абласцях. Па словах міністра энергетыкі Украіны Дзяніса Шмыгаля, каскаднае адключэнне ў энергасетцы адбылося з-за тэхналагічнага парушэння.
