Следчы камітэт паведаміў пра махляроў, якія падманвалі беларусаў "Вконтакте"

Следчы камітэт выступіў з папярэджаннем пра магчымыя махлярствы праз сацыяльныя сеткі. 

У Беларусі павялічаецца колькасць злачынстваў, здзейсненых з дапамогай камп'ютарнай тэхнікі. У першай палове 2017 года пачатыя на 8,8% крымінальных спраў па інфармацыйнай бяспецы больш, чым за аналагічны перыяд 2016-га.

Напрыклад, Маскоўскі (г. Мінска) райаддзел Следчага камітэта расследуе некалькі дзясяткаў крымінальных спраў, пачатых за несанкцыянаваны доступ да камп'ютарнай інфармацыі і крадзеж шляхам выкарыстання камп'ютарнай тэхнікі. 

У 2017 годзе невядомыя асобы ўзламалі старонкі карыстальнікаў сацыяльнай сеткі "Вконтакте". Ад імя гэтых карыстальнікаў яны накіроўвалі асабістыя паведамленні з просьбай даць ім рэквізіты банкаўскіх плацежных картак тым, хто знаходзіўся ў катэгорыі "сябры", ды іншым карыстальнікам. Махляры абгрунтоўвалі свае просьбы рознымі падставамі: дапамога пры пераводзе грошай, аплата паслуг, атрыманне выйгрышу. Пры гэтым зламыснікі імітавалі стыль зносін карыстальнікаў, чые старонкі яны ўзламалі. 

Атрымаўшы рэквізіты і коды доступу да банкаўскіх рахункаў, зламыснікі пераводзілі грошы на замежныя рахункі.