МАЗ працягвае губляць Расію: продаж грузавікоў упаў на 44%, аўтобусаў — на 42%

Усяго ж у Расіі за дзевяць месяцаў 2025 года продаж тэхнікі зменшыўся на 54% у параўнанні з аналагічным перыядам мінулага года — да 43 353 адзінак.

Ці будуць далейшыя праблемы з продажамі?

Раней Еўрарадыё паведамляла, што ў Самары заклікалі не дапускаць вытворцаў неякаснай тэхнікі да ўдзелу ў дзяржаўных тэндэрах. За тры месяцы там згарэлі тры пасажырскія аўтобусы, у тым ліку два новыя МАЗы — у кастрычніку.

Дырэктар арганізацыі "За грамадскі транспарт" Аляксандр Піцірымаў заявіў:

"У свой час яны [МАЗ — Еўрарадыё] перайшлі з нямецкага абсталявання на кітайскае. І, верагодна, новае абсталяванне, якое яны цяпер усталёўваюць, можа быць не самай высокай якасці".

Ён адзначыў, што, напрыклад, паліўныя і масляныя помпы — гэта пажаранебяспечныя элементы, але “не было ніводнай навіны пра тое, што вытворца адклікаў бы партыю аўтобусаў, як гэта робіцца ў аўтапраме пры выяўленні тэхналагічных дэфектаў”.

На яго думку, у выпадках, якія адбыліся ў Самары, віна вытворцы “амаль відавочная”.