Стала вядома, на якіх мовах ішлі перамовы Ціханоўскай і Зяленскага
Уладзімір Зяленскі і Святлана Ціханоўская / прэс-служба Ціханоўскай
Падчас сустрэчы з Уладзімірам Зяленскім у Вільні 25 студзеня Святлана Ціханоўская размаўляла па-беларуску, а ён — па-ўкраінску. "Ні слова па-расійску", — расказаў Еўрарадыё пра дэталі сустрэчы дарадца лідаркі дэмсілаў па дыпламатычных пытаннях Дзяніс Кучынскі.
"Ціханоўская прызналася, што часам дзе-нідзе выкарыстоўвае ўкраінскія словы, размаўляючы па-беларуску. Прэзідэнт Украіны адказаў: "Будь ласка! Використовуйте!"
Двухбаковая сустрэча Ціханоўскай і Зяленскага адбылася ўпершыню. Прэзідэнт Украіны сярод іншага запрасіў лідарку беларускіх дэмсілаў наведаць Кіеў.
