Axios: Амерыканскі чыноўнік сказаў, што сустрэча Зяленскага і Пуціна блізкая
Сустрэча расійскай і ўкраінскай дэлегацый у Абу-Дабі / Ryan Carter/UAE Presidential Court/REUTERS
Трохбаковыя перамовы паміж ЗША, Расіяй і Украінай у Абу-Дабі былі прадуктыўнымі, піша выданне Axios са спасылкай на афіцыйных асоб ЗША.
Перамовы працягваліся два дні. Паводле амерыканскіх чыноўнікаў, іх аснову заклала сустрэча прэзідэнтаў Украіны і ЗША ў Давосе ў чацвер, а таксама чатырохгадзінная сустрэча пасланнікаў Дональда Трампа з расійскім прэзідэнтам у Маскве.
"І (Уладзімір) Пуцін, і (Уладзімір) Зяленскі пагадзіліся накіраваць сваіх перамоўшчыкаў. Гэта паказвае, што яны вераць у дасягненне прагрэсу", — цытуе Axios аднаго з амерыканскіх чыноўнікаў.
Падчас двухдзённых перамоваў у Давосе абмяркоўваліся ўсе пытанні — у тым ліку расійскія тэрытарыяльныя прэтэнзіі на Данбасе і спрэчка вакол Запарожскай АЭС.
"Усё прайшло так добра, як мы і чакалі. Мы задаволеныя тым, дзе зараз знаходзімся", — сказаў амерыканскі чыноўнік.
Афіцыйныя асобы ЗША заявілі, што сустрэча ў Абу-Дабі стала важным крокам на шляху да наступнага этапу перагавораў.
"Мы вельмі блізкія да сустрэчы Пуціна і Зяленскага", — лічыць адзін з чыноўнікаў.
Магчыма, у пачатку лютага адбудзецца новы раўнд перамоваў у Абу-Дабі.
