Істотна павялічылася колькасць "разумных" камер з распазнаваннем твараў
"Рэспубліканская сістэма маніторынгу грамадскай бяспекі" / minsknews.by
У Беларусі ўсталявалі каля 60 тысяч "разумных" камер відэаназірання, якія могуць распазнаваць твары і "чытаць" нумары аўтамабіляў. Яны з'явіліся па ўсёй краіне, заявіў у панядзелак міністр унутраных спраў Іван Кубракоў.
"Любое правапарушэнне, якое здзяйсняецца ў грамадскім месцы, раскрываем па гарачых слядах, — кажа міністр. — Усе гэтыя пункты знаходзяцца пад кантролем".
Згаданыя камеры аб'яднаныя ў так званую "Рэспубліканскую сістэму маніторынгу грамадскай бяспекі". Год таму за сітуацыяй у Беларусі сачылі 35 тысяч відэакамер. У снежні іх было каля 40 тысяч. Калі верыць словам Кубракова, то сёлета іх колькасць істотна павялічылася.
"Сістэму маніторынгу" выкарыстоўваюць не толькі для раскрыцця злачынстваў, але і для пошуку іншадумцаў, падпольшчыкаў.
