"За вярбоўку": супраць святара Аляксандра Кухты пачалі крымінальную справу
Святар Аляксандр Кухта / Новая газета. Балтия
Супраць святара Аляксандра Кухты заведзена крымінальная справа “за вярбоўку ці іншае ўцягванне ў экстрэмістскую дзейнаць” трэціх асоб.
“Ад 2 да 6 гадоў, між іншым! Так што, дарагія сябры і падпісчыкі, будзьце асцярожныя і ведайце, што я тут не проста хіханькі паказваю, а цягну вас у экстрэмізм. О, як!” — напісаў Кухта ў сваім тг-канале.
Аляксандр Кухта — беларускі праваслаўны святар, які падтрымаў мірныя пратэсты 2020 года. У эміграцыі перайшоў з Маскоўскага патрыярхата ў Сусветны (Канстанцінопальскі), служыць у невялічкім беларускім прыходзе ў Вільні і працуе ў BySol.
Да таго ж айцец Аляксандр — аўтар папулярнага ютуб-канала “Батюшка ответит”.
