У ноч на аўторак па поўначы Беларусі будзе да -29 градусаў

У аўторак, 17 лютага, у Беларусі чакаецца пераменная воблачнасць, паведамляе Белгідрамет.

Будзе пераважна без ападкаў, на асобных участках дарог — галалёдзіца. Вецер прагназуецца паўночна-ўсходні, усходні — ад слабога да ўмеранага.

Тэрмометры ўначы пакажуць 17-24 градусы ніжэй за нуль, месцамі, а па паўночнай палове ў многіх раёнах паветра будзе астываць да -25...-29 градусаў, па поўдні краіны месцамі чакаецца 10-16 градусаў марозу. Удзень сіноптыкі прагназуюць 5-11 градусаў са знакам "мінус".

У сераду, 18 лютага, будзе воблачна, уначы — з праясненнямі. Месцамі па краіне пройдзе кароткачасовы снег, днём па захадзе — з мокрым снегам. Днём у асобных раёнах па захадзе краіны чакаецца галалёд. На дарогах месцамі будзе галалёдзіца. Вецер прагназуецца ўсходняй чвэрці ўмераны, удзень на паўднёвым усходзе — парывісты.

Тэмпература паветра ўначы будзе ад -8 градусаў па паўднёвым захадзе да -23 градусаў па паўночным усходзе краіны. Удзень чакаецца 4-11 градусаў марозу, месцамі па захадзе Беларусі прагназуецца 1-3 градусы ніжэй за нуль.