Беларусь і ЕС працягваюць абмяркоўваць пытанне аб спрашчэнні візавага рэжыму
Беларусь і Еўрасаюз працягваюць працу па збліжэнні пазіцый па пагадненнях аб спрашчэнні візавага рэжыму і рэадмісіі. Застаюцца неўрэгуляванымі некалькі тэхнічных пытанняў — увядзенне біяметрычных пашпартоў, адкладзены перыяд па пагадненні аб рэадмісіі, заявіў прэс-сакратар МЗС нашай краіны Дзмітрый Мірончык.
Паводле слоў Мірончыка, Беларусь зацікаўленая ў больш хуткім вырашэнні гэтага пытання. Наша краіна і ЕС будуць збліжаць пазіцыі, інфармуе БелаПАН.
Як вядома, 24 лістапада намеснік кіраўніка МЗС Беларусі Алена Купчына заявіла, што ў перамовах з Еўрасаюзам для нашай краіны галоўным з'яўляецца пытанне аб рэадмісіі. Яна патлумачыла, што Беларусь хоча атрымаць трохгадовы пераходны перыяд для імплементацыі палажэнняў пагаднення. Менавіта такі тэрмін падаваўся іншым краінам, з якімі Брусель заключаў такія пагадненні (у тым ліку з Расіяй, Украінай і Турцыяй).
