З'явіўся фэйкавы сайт Сяргея Ціханоўскага
Так выглядае фэйкавы сайт Ціханоўскага / фэйкавы сайт
У інтэрнэце з'явіўся фэйкавы сайт Сяргея Ціханоўскага. Гэта заўважыла каманда тг-канала "Краіна для жыцця", звязанага з блогерам і былым палітвязнем.
"Спецслужбы Беларусі (ці Расіі) стварылі фэйкавы сайт Сяргея Ціханоўскага і спрабуюць сабраць анкетныя даныя кандыдатаў у валанцёры", — папярэджвае каманда "Краіны для жыцця".
Яны рэкамендуюць не заходзіць на сайт tsikhanоuskі.оrg і не пакідаць там свае звесткі.
Пра набор валанцёраў у сваю каманду Ціханоўскі абвясціў 1 ліпеня. Блогер папярэдзіў што рыхтуе "магутны ўдар" па рэжыме Лукашэнкі.
