На складах Мінпрама назапасілася прадукцыі на 4 млрд долараў
На беларускіх складах ляжыць незапатрабаваная прадукцыя, ілюстрацыйнае фота / staragro.ru
На складах прадпрыемстваў Міністэрства прамысловасці Беларусі назапасілася прадукцыі на 4 млрд долараў. Прычым толькі за студзень 2026-га яе прырост склаў 800 млн долараў. Пра гэта заявіў кіраўнік ведамства Андрэй Кузняцоў, заўважыла выданне "Беларусы і рынак".
У якасці прычынаў ён назваў слабасць суседняга рынку і тое, што беларусы традыцыйна не ўмеюць прадаваць. Паводле міністра, беларускія прамысловыя прадпрыемствы за год недабралі на расійскім рынку за сваю прадукцыю 1 млрд долараў. Прычым частку тавараў туды завозілі без аплаты. Агулам з-за мяжы не ўдалося вярнуць амаль 500 млн долараў экспартнай выручкі.
Акрамя эканамічных праблем на традыцыйных рынках у Мінпраме спасылаюцца таксама на недастатковае засваенне новых рынкаў у краінах далёкай дугі, у тым ліку ў Афрыцы.
