Арыштаваную за шпіянаж на КДБ Іну Кардаш плануюць абмяняць
Іна Кардаш / фота з яе старонкі ў Фэйсбуку
Украіна хоча абмяняць арыштаваную агентку КДБ Іну Кардаш.
Як піша выданне "Суспільне", 16 лютага Кіеўскі апеляцыйны суд пакінуў Кардаш пад вартай у СІЗА. Сама журналістка прысутнічала на пасяджаэнні праз відэасувязь.
Паводле пракурора, прымаюцца меры па абмене Кардаш з беларускім бокам. Што праўда, пакуль невядома, што думаюць пра прапанову ў Мінску. Дагэтуль затрыманне Кардаш беларускія ўлады не каментавалі.
Іну Кардаш падазраюць у шпіянажы на карысць Камітэта дзяржбяспекі Беларусі. Служба бяспекі Украіны апублікавала запісы яе размоваў з куратарам. З іх вынікае, што ў 2020-м яе перакінулі ва Украіну, дзе яна ўладкавалася журналісткай.
Пад гэтым прыкрыццём Кардаш збірала інфармацыю пра прадстаўнікоў беларускай дыяспары, пазней — пра ўкраінскія вайсковыя падраздзяленні. Таксама яна спрабавала вербаваць украінскіх вайскоўцаў для працы на карысць беларускай разведкі.
У 2025 годзе Кардаш уладкавалася ў Каардынацыйны штаб па пытаннях абыходжання з ваеннапалоннымі. Там яна, як сцвярджаюць следчыя, фатаграфавала сакрэтныя дакументы і адпраўляла куратару з КДБ.
Беларусы Польшчы: цяпер можна падаваць падаткавыя дэкларацыі за 2025 год. А яшчэ вы можаце падтрымаць каманду Еўрарадыё без аніякіх дадатковых выдаткаў — проста накіраваўшы нам 1,5% ад падаткаў, якія вы ўжо заплацілі!
Зрабіць гэта вельмі проста: у дэкларацыі на сайце epit.podatki.gov.pl абярыце пункт, дзе вас пытаюць пра 1,5% на дабрачыннасць.
Там трэба ўвесці KRS 0000507234 і cel 137070. Вы ўбачыце арганізацыю FANIMANI — так і мусіць быць, гэта нашыя партнёры.
