Зянон Пазняк: Лукашэнка сігналізуе пра гатоўнасць да перамоў з Еўрасаюзам

Зянон Пазняк упэўнены, што Лукашэнка пасылае сігналы пра гатоўнасць да перамоў з Еўрасаюзам. Такую выснову ён зрабіў пасля таго, як з турмы выйшла Паліна Шарэнда-Панасюк, якая цалкам адбыла сваё пакаранне.

“… Выпусцілі знакавую асобу, аб якой я асабіста прасіў, — Паліну Шарэнду-Панасюк,  якую ў турме мэтанакіравана катавалі і штурхалі ў магілу”.

“З боку Лукашэнкі павольнае выпусканне вязняў, і асабліва Паліны Шарэнды-Панасюк, — гэта гучнае сведчанне таго, што ён гатовы да перамоваў з ЕС па пытанні вызвалення палітвязняў у абмен на спыненне вызначаных (на перамовах) эканамічных санкцый. Не прыняць гэтага сігналу ў такіх абставінах, мне здаецца, было б недаравальным працягам тупіковай палітыкі, адмаўленнем ад эмпатыі  і здаровага сэнсу”.

Большая частка эканамічных санкцый была ўведзена за саўдзел Беларусі ў вайне Расіі супраць Украіны, а не за парушэнні правоў чалавека ці адсутнасць свабодных выбараў.