За 2025 год "Белавія" перавезла 2 млн пасажыраў
Belavia
За 2025 год "Белавія" перавезла 2 млн пасажыраў. У першай пяцёрцы напрамкаў — Санкт-Пецярбург і два маскоўскія аэрапорты, паведамляе прэс-служба авіяперавозчыка.
Цалкам топ-5 самых папулярных напрамкаў беларускай авіякампаніі выглядае так:
- Санкт-Пецярбург
- Масква (Шарамецьева)
- Стамбул
- Масква (Дамадзедава)
- Дубай
Пасля прымусовай пасадкі ў Мінску самалёта Ryanair з Раманам Пратасевічам на борце ў траўні 2021 года "Белавія" апынулася пад міжнароднымі санкцыямі. Кампанія была вымушаная адмяніць рэйсы ў заходнім кірунку, сканцэнтраваўшыся на палётах у Расію і краіны Азіі.
У пачатку лістапада ЗША часова прыпынілі санкцыі супраць "Белавія" і аднаго з самалётаў Лукашэнкі. Гэта дало беларускай авіякампаніі магчымасць вярнуцца да палётаў у Ізраіль.
