Ветэраны мінскага і кіеўскага "Дынама" згулялі ўнічыю 3:3

29 студзеня ў Мінску ў футбольным манежы прайшоў матч памяці Валянціна Бялькевіча, легендарнага беларускага футбаліста, якога не стала ў 2014 годзе. Мінскае і кіеўскае "Дынама" (каманды, за якія выступаў Бялькевіч) згулялі ўнічыю 3:3. У складзе камандаў былі ветэраны. Тры галы ў першым тайме забіў былы мінскі дынамавец Уладзімір Макоўскі (на 12-й, 16-й і 29-й хвілінах), у складзе гасцей адзін з галоў на рахунку Арцёма Мілеўскага.

Відэа галоў можна пабачыць тут.

За мінскае "Дынама" выступалі Віталь Варывончык, Генадзь Туміловіч, Аляксандр Хацкевіч, Ігар Гурыновіч, Сяргей Гурэнка, Уладзімір і Міхаіл Макоўскія, Валерый Вялічка, Аляксандр Кульчы, Андрэй Лаўрык ды іншыя. Сярод кіеўскіх дынамаўцаў былі Аляксандр Аліеў, Сяргей Раброў, Юрый Калітвінцаў, Віталь Касоўскі, Арцём Мілеўскі, Віталь Рэва, Максім Шацкіх ды іншыя.