"Ужо не ведаеш, куды звяртацца". Пагаварылі з бацькам Анжалікі Мельнікавай

— Не падымае. 

— Неяк дзіўна што не здымае… 

— Але маці не казала, што выходзіла з ёй на сувязь? 

— Не. Сказала, што ўсё нармальна. 

— Дзіўна, насамрэч, што ўсе такія спакойныя, калі знікае чалавек. 

— Ну так… 

— А што кажа Андрэй? 

— Я яго не бачыў, не ведаю.

— А дзеці цяпер у Нясвіжы знаходзяцца? 

— Не, дзеці ў Мінску. 

— Андрэй у Мінск пераехаў? 

— Ну там быў ён, дзяцей туды завозіў, а цяпер не ведаю дзе.

— А дзеці з кім у Мінску? 

— А дзеці там з яго маці, я так разумею. Ну вось усё, што я ведаю. 

Па радзе Артура Бялевіча, мы некалькі разоў спрабавалі датэлефанавацца да маці Анжалікі Мельнікавай, але тая ці скідвала званок, ці проста не падымала. Не рэагуе на званок і Андрэй (экс-муж Анжалікі Мельнікавай). 

— Што вы гавораце, я ж вам, па-мойму, ужо адказваў на гэтае пытанне: я з ёй не размаўляю. Усё на гэтым, — незадаволена адказвае на званок бацька Андрэя Аляксандр Мельнікаў і скідае. 

Звонім зноў.

— Аляксандр, не кідайце, калі ласка, слухаўку. Мы хвалюемся. Знік чалавек. Можа быць, яна жывая і нешта вам напісала? 

— А хто вы ёй такія? — незадаволена цікавіцца бацька.

— Я журналістка. Мы непакоімся, што падобныя гісторыі могуць здарыцца… 

— Ах, якія вы жаласлівыя, — не без здзеку ў голасе адказвае Аляксандр Мельнікаў і зноў скідвае званок.