Удзельнікаў пасяўной вызваляюць ад удзелу ў "праверцы боегатоўнасці"
Прызваныя на ваенныя зборы / t.me/modmilby/
Удзельнікаў пасяўной вызваляюць ад удзелу ў "праверцы боегатоўнасці", якая праходзіць ва Узброеных сілах Беларусі. Пра гэта распавёў начальнік мабілізацыйнага кірунку вайсковага камісарыята беларускай сталіцы палкоўнік Ігар Дымовіч.
На ваенныя зборы не забяруць па сямейных абставінах (напрыклад, калі ёсць трое дзяцей да 18 гадоў), з-за працы. У апошнім выпадку "могуць быць вызваленыя ад збораў службовыя асобы, якія забяспечваюць палёты авіяцыі, рух чыгуначнага транспарту, выкладчыцкі склад і тыя, хто занятыя на сельскагаспадарчых работах менавіта ў перыяд пасяўной".
"Праверка боегатоўнасці" беларускага войска праводзіцца ўжо больш за месяц. За гэты час на зборы трапілі каля 5 тысяч чалавек.
