Хрэнін "збочыў з маршруту" і заехаў на камандна-назіральны пункт
Віктар Хрэнін на камандным пункце / t.me/modmilby/
Мінабароны паведамляе, што "праверка баявой гатоўнасці [ва Узброеных сілах Беларусі] выходзіць на завяршальны этап". На аўторак запланаваныя вучэнні з падраздзяленнямі, якія прыцягнутыя да згаданай праверкі. На палігон у Барысаўскі раён прыехаў міністр абароны Віктар Хрэнін.
Як піша Мінабароны, Хрэнін "збочыў з маршруту" і заехаў на камандна-назіральны пункт. Там ён паразмаўляў з камандзірам батальёна, які "на выдаленні кіруе падраздзяленнямі". Міністр абароны заявіў, што кожны камандзір батальёна "павінен бездакорна кіраваць беспілотнікамі".
