У суботу ў асобных раёнах Беларусі пройдуць дажджы, магчымы туман
У бліжэйшыя суткі, 7 лістапада, у Беларусі будзе хмарна з праясненнямі. У некаторых раёнах пройдуць невялікія дажджы. Месцамі магчымы туман, уначы і раніцай — слабы галалёд.
Вецер прагназуецца паўднёва-ўсходні, 2-7 метраў за секунду. Тэмпература паветра ўначы складзе ад мінус 3 да плюс 3 градусаў. Удзень будзе 2-8 градусаў цяпла, паведамляюць БЕЛТА ў Рэспубліканскім цэнтры па гідраметэаралогіі, кантролю радыеактыўнага забруджання і маніторынгу навакольнага асяроддзя Мінпрыроды.
Фота з архіву
