У сераду чакаюцца навальніцы і моцныя залевы
13 жніўня ў Беларусі чакаецца пераменная воблачнасць.
Уначы па ўсходняй палове краіны пройдуць кароткачасовыя дажджы, прагрымяць навальніцы, месцамі прагназуюцца моцныя залевы. Удзень, як адзначае БЕЛТА, у асобных раёнах чакаюцца невялікія дажджы, навальніцы. У начны час і зранку месцамі туман.
Вецер будзе пераменных напрамкаў 4-9 метраў за секунду, пры навальніцах — парывы да 14 метраў за секунду.
Тэмпература паветра ўначы складзе +11...+17 градусаў, удзень чакаецца 21-27 градусаў цяпла.
Фота — kp.by
