У Салігорску гарэла дзіцячая школа мастацтваў
А 4-й гадзіне раніцы 17 красавіка салігорскія ратавальнікі атрымалі паведамленне пра пажар у дзіцячай школе мастацтваў. Трохпавярховы цагляны будынак размяшчаецца па вуліцы Ленінскага Камсамола.
Як паведамляе прэс-служба Мінскага абласнога ўпраўлення МНС, агонь знішчыў дзве сцэнічныя тканіны задніка сцэны, пашкодзіў сцэнічную заслону, падлогу сцэны. Памяшканне глядзельнай залы падкопчанае.
Пацярпелых пры інцыдэнце няма. Прычына пажару высвятляецца.
