У Наваполацку загарэлася бальніца, у якой былі дзеці
Пажар у Наваполацкай бальніцы / МНС
У сераду, 3 снежня, у будынку Наваполацкай гарадской бальніцы адбыўся пажар.
У службу МНС паведамілі, што загаранне адбылося на трэцім паверсе гарадской бальніцы. На месца здарэння выехалі 14 машын ратавальнікаў.
Прыбыўшы на месца выкліку, падраздзяленні МНС заўважылі адкрыты агонь у падсобным памяшканні.
З будынка бальніцы персанал эвакуяваў 24 дзіцяці і 11 супрацоўнікаў установы. Паведамляецца, што пацярпелых няма.
Ратавальнікі аператыўна ліквідавалі ўзгаранне. Прычына пажару высвятляецца.
