У Мінску да гандлёвага цэнтра выязджала шмат машын МНС, але пажару не было
У Мінску да гандлёва-забаўляльнага комплексу "Цівалі" (вуліца Прытыцкага, 29) выязджала шмат машын МНС, але пажару не было. Здарэнне адбылося ўвечары ў аўторак. У сацыяльных сетках пачала з'яўляцца інфармацыя пра пажар у "Цівалі" і пра 7 аўтамабіляў ратавальнікаў, пра "хуткія", якія туды прыбылі. Сцвярджалася пра задымленне і работнікаў, якія выбеглі з будынка.
Пазней МНС у Twitter патлумачыла сітуацыю. Ратавальнікам паведамілі пра задымленне ў фітнэс-цэнтры ў "Цівалі". Аднак гэтая інфармацыя не пацвердзілася, узгарання там не было. Адзначаецца, што "шмат машын МНС, якія прыбылі да месца, абумоўлена тым, што гэта аб'ект з масавым знаходжаннем людзей". Таму туды абавязкова высылаецца шмат тэхнікі ратавальнікаў.
ТЦ Тивали @112MINSK @112by выезжали по сообщению о задымлении в фитнес-центре, однако информация НЕ подтвердилась. ПОЖАРА в ТЦ нет. Много машин МЧС, прибывших к месту обусловлено тем, что это объект с массовым пребыванием людей- автоматом высылается много техники. pic.twitter.com/y4eeJ8a0om
— МЧС Минска (@112MINSK) 26 марта 2019 г.
