У мінскім Уруччы амапаўцы затрымалі выкрадальніка электракабеля
Раней мужчына сам жа і ўсталёўваў кабель, які цяпер скраў.
На вуліцы Цяпінскага ў мінскім Уруччы байцы АМАП затрымалі выкрадальніка электракабеля.
Як паведамляе прэс-служба ГУУС, напярэдадні вечарам ва Уруччы знікла электрычнасць. Як выявілася, да гэтага спрычыніўся 46-гадовы мужчына, якія перарэзаў кабель сувязі і адклаў яго ў калодзеж. Зранку рамонтная брыгада, якая прыехала ліквідаваць няспраўнасць, пабачыла мужчыну, які сыходзіў са скрадзеным кабелем даўжынёй 75 м.
Рамонтнікі выклікалі амапаўцаў, і тыя затрымалі выкрадальніка. Пры сабе той меў усё неабходнае для краждзяжу: нажоўку, нажы, пальчаткі, адвёрткі. Выявілася, што раней ён працаваў у арганізацыі па пракладцы кабеляў і сам усталёўваў няўдала скрадзены кабель.
Цяпер мужчына не працуе, жыве ў Смалявічах. Раней ён быў неаднаразова судзімы за крадзяжы і рабаванне.
Фота: sevas.com
