У Маскве затрымалі беларускага "медыка"-аферыста
Разам з цюменскім калегам ён прапаноўваў даверлівым пакупнікам лекі "ад усіх хваробаў".
Цуд-лекі аферысты прапаноўвалі за 77 тысяч расійскіх рублёў. Злавіць аферыстаў дапамагла пільная супрацоўніца Ашчаднага банка, паведамляе ТВЦ.
Два махляры прапанавалі знаёмай пенсіянерцы купіць цуд айчыннай медыцыны — апарат, які лечыць ад усіх хвароб. Даверлівая бабулька пайшла з мужчынамі ў касу, каб зняць грошы. Аднак супрацоўніцы банка мужчыны падаліся падазронымі, і яна паведаміла пра іх у паліцыю. Атрад неадкладнага рэагавання затрымаў зламыснікаў. Імі апынуліся 53-гадовы жыхар Беларусі і 34-гадовы жыхар Цюменскай вобласці Расіі.
На гора-"лекараў" пачалі крымінальную справу за махлярства.
Фота — tvc.ru
