У Беларусі назвалі памер мінімальнага заробку для падлеткаў

У Беларусі назвалі памер мінімальнага заробку для падлеткаў. Непаўналетнія могуць зарабіць ад 726 рублёў (не менш за памер мінімальнай заработнай платы), паведамляе Мінпрацы.

Пры пісьмовай згодзе аднаго з бацькоў падлетак можа працаваць з 14 гадоў. З 16 гадоў рашэнне ён можа прымаць самастойна. Для падлеткаў прадугледжана скарочаная працягласць працы: ад 14 да 16 гадоў — не больш за 23 гадзіны на тыдзень (падчас канікул — не больш за 4 гадзіны 36 хвілін у дзень), з 16 да 18 гадоў — не больш за 35 гадзін (падчас канікул — 7 гадзін).

У нашай краіне забаронена прыцягваць падлеткаў да начных, звышурочных, а таксама да работ у святочныя і выходныя дні. На працу іх прымаюць толькі пасля медагляду.