Трамп прапанаваў перасяліць жыхароў сектара Газа ў бяспечнае месца

Дональд Трамп прапанаваў перасяліць жыхароў сектара Газа ў бяспечнае месца, дзе яны "змогуць быць шчаслівымі", жыць "без страху перад гвалтам". Амерыканскі прэзідэнт заявіў, што ён і яго каманда абмяркоўваюць такую магчымасць з Іарданіяй, Егіптам і іншымі краінамі рэгіёна, паведамляе "Голас Амерыкі".

Трамп падкрэсліў, што хацеў бы дасягнуць пагаднення аб "пастаянным перасяленні людзей у добрыя дамы", дзе іх "не будуць расстрэльваць і забіваць". "Я лічу, што ім трэба даць добры, новы, прыгожы ўчастак зямлі, знайсці людзей, гатовых укласці грошы ў яго забудову, зрабіць яго ўтульным і прыдатным для жыцця", — сказаў ён.

У аўторак прэзідэнт ЗША прыняў у Белым доме прэм'ер-міністра Ізраіля Біньяміна Нетаньяху. На сумеснай прэс-канферэнцыі Дональд Трамп адзначыў, што ЗША гатовыя заняць сектар Газа і стварыць там магчымасці для эканамічнага развіцця.

Прадстаўнік тэрарыстычнай арганізацыі ХАМАС заявіў, што яна не прыме прапанову аб перасяленні.