Свёнтак абагнала Сабаленка ў live-рэйтынгу WTA

Іга Свёнтак абагнала Арыну Сабаленка ў live-рэйтынгу WTA. Па выніках Аustrаliаn Оpen польская тэнісістка можа зрушыць беларуску з першага месца, піша "Трыбуна".

Напярэдадні адкрытага чэмпіянату Аўстраліі Сабаленка пераўзыходзіла Свёнтак на 1536 ачкоў. У мінулым сезоне полька на гэтым турніры пацярпела паражэнне ў трэцім крузе, тады як беларуска стала ўладальніцай трафея. Такім чынам, Сабаленка трэба абараніць леташнія балы, а Свёнтак, якая ўжо прайшла далей, чым у 2024-м, заваёўвае дадатковыя балы.

Калі і Іга Свёнтак, і Арына Сабаленка прайграюць у паўфінале, званне першай ракеткі свету пяройдзе да польскай тэнісісткі — 8730 ачкоў супраць 8436. Паражэнне Свёнтaк ад Мэдысан Кіз пакіне на вяршыні рэйтынгу Сабаленка ў тым выпадку, калі яна пераможа ў 1/2 фіналу іспанку Паулу Бадоса.

Калі ж Сабаленка і Свёнтак выйдуць у фінал, беларуска захавае першы радок рэйтынгу WTA за сабой у выпадку сваёй перамогі.

Арына Сабаленка зноў стала першай ракеткай свету ў кастрычніку 2024-га (упершыню яна была першай у рэйтынгу ў верасні-лістападзе 2023-га). Беларуска апярэджвала ў рэйтынгу WTA польку Ігу Свёнтак толькі на 41 ачко, але да канца года істотна павялічыла разрыў.