"Офісныя ідуць у атаку". Прапаганда — пра прэс-канферэнцыю палітвязняў
Прапаганда ў Беларусі / Еўрарадыё
14 снежня ў Чарнігаве прайшла прэс-канферэнцыя вызваленых палітвязняў Віктара Бабарыкі, Марыі Калеснікавай, Аляксандра Фядуты і Уладзя Лабковіча.
Прапагандысты Аляксандра Лукашэнкі таксама не абмінулі ўвагай гэтую падзею. Еўрарадыё сабрала, што яны пісалі пасля прэс-канферэнцыі.
Прапагандыст "Сталічнага тэлебачання" Рыгор Азаронак больш за астатніх даваў справаздачу, што адбываецца з былымі палітвязнямі. Ён рассыпаўся ў кампліментах Лукашэнку: "Бліскуча, феерычна, цудоўна" і абражаў усіх астатніх. А яшчэ сказаў, што "офісныя ідуць у атаку на новенькіх".
— Першае — усе "топ-лідары" наадрэз адмовіліся прысягнуць Кіеўскаму рэжыму. Яны выкручваліся як маглі, лапаталі нешта невыразнае пра "не ўсё так адназначна", "мы нічога не ведаем і не разумеем". Абыходзілі ўсе вострыя куты. І пытанне пра падтрымку Украіны ў канфлікце ім задалі пяць разоў. Усе пяць разоў яны адмовіліся адказваць.
— Пацешна, што ніхто з гэтых "палітзняволеных" не збіраецца далей у палітыку, прынамсі адказалі пакуль так. І ніхто не пракаментаваў СВО. Прэсуха, нагадаю, ішла на Украіне.
"Жоўтыя слівы" напісалі на тэму прэс-канферэнцыі мноства пастоў з выкарыстаннем мовы варожасці. Але адным з такіх пастоў падвялі рысу.
