Мінчукоў запрашаюць пісаць палітычныя даносы
Данос, ілюстрацыйная карцінка / gazeta.ru
Ідэолагі прапанавалі мінчукам пісаць палітычныя даносы. Для гэтага Мінгарвыканкам і дзяржаўнае інфармагенцтва "Мінск-Навіны" стварылі ў Тэлеграме чат-бот пад назвай "Ідэалагічная інспекцыя".
"Заўважылі нездавальняючы стан дзяржсімволікі, фэйкі і скажэнне гістарычных фактаў або сталі сведкам распаўсюду дэструктыўных матэрыялаў і інш. — паведаміце пра гэта!" — заклікаюць ідэолагі.
Даносчыкам прапануюць апісаць праблему ў чат-боце і па магчымасці прымацаваць фота ці відэа.
"Звароты будуць апрацоўвацца кампетэнтнымі службамі", — запэўніваюць прапагандысты.
