“Нёман” згуляе з “Гомелем” у 1/8 фіналу Кубка Беларусі

Таксама ў рамках 1/8 фіналу Кубка Беларусі па футболе сёння згуляюць “Гомельчыгунтранс” з першай лігі і брэсцкае “Дынама” з элітнага дывізіёну.

Напярэдадні прайшлі тры матчы гэтага этапу Кубка краіны. “Нафтан” сенсацыйна прайграў на сваім полі “Віцебску” — 1:2, “Белшына” прадказальна абыграла “Зорку-БДУ” (Д2), а “Іслач” (Д2) саступіла “Граніту” (Д2) у серыі пенальці —1:1 (4:5).

Яшчэ тры матчы 1/8 фіналу перанесеныя з-за еўракубкаў. Ужо вядома, што “Шахцёр” згуляе з “Гарадзеяй” (Д2) 24 верасня, а вось даты матчаў БАТЭ — “Слуцк” і “Дняпро” — “Дынама” (Мінск) пакуль не вызначаныя.