Кіроўцу, які вазіў на капоце аўтамабіля знаёмага, будуць судзіць

Кіроўцу, які вазіў на капоце аўтамабіля знаёмага, будуць судзіць. Расследаванне крымінальнай справы ўжо скончанае. 20-гадовага мінчука вінавацяць у "парушэнні правілаў дарожнага руху, якія пацягнулі па неасцярожнасці нанясенне цяжкіх цялесных пашкоджанняў" (ч. 2 арт. 317 КК) і ў "пакіданні ў небяспецы" (ч. 3 арт. 159), паведамляе афіцыйны прадстаўнік УСК па г. Мінску Аляксей Клімовіч.

Здарэнне адбылося позна ўвечары 1 ліпеня 2016-га. Жыхар сталіцы ў раёне вуліцы Убарэвіча папрасіў свайго знаёмага пакатаць яго на капоце аўтамабіля. Пасля гэтага ён лёг на капот, а кіроўца распачаў рух па асфальтаванай дарозе з хуткасцю каля 15 кіламетраў за гадзіну. Не маючы дастатковага досведу кіравання транспартным сродкам, вадзіцель выкарыстаў няправільныя прыёмы тармажэння, у выніку чаго пасажыр зваліўся на праезную частку і атрымаў цяжкія цялесныя пашкоджанні. Кіроўца яму не аказаў дапамогу, з месца здарэння з'ехаў.

Матэрыялы крымінальнай справы атрымаў пракурор для іх накіравання ў суд.