Каб закрыць прарыў дамбы ў Нямеччыне, затапілі чарговую баржу (відэа)
Яна ўжо трэцяя. З дапамогай баржы вайскоўцы спадзяюцца ўмацаваць штучную плаціну на Эльбе ў нямецкай зямлі Саксонія-Анхальт.
Паводка ў гэтым раёне працягваецца ўжо тыдзень. Некалькі дзён там спрабавалі ліквідаваць 50-метровы прарыў дамбы, які паступова павялічваўся. Былі эвакуяваныя 8 тысяч чалавек.
Нарэшце, было вырашана ўзарваць і патапіць дзве баржы з друзам. Аднак і гэтага аказалася замала — у нядзелю была ўзарваная трэцяя баржа. На яе з верталётаў скінулі сотні мяхоў з пяском. Ці ўдалося цалкам ліквідаваць прарыў, пакуль невядома.
Фота — Reuters, AFP
