Гамяльчаніна абвінавачваюць у педафіліі і распаўсюдзе парнаграфіі
Гомельскі гарадскі аддзел Следчага камітэту завяршыў расследаванне справы мясцовага жыхара 1973 году нараджэння.
Сабраныя доказы па 15 эпізодах злачыннай дзейнасці мужчыны. Як паведаміла БелаПАН афіцыйны прадстаўнік упраўлення СК па Гомельскай вобласці Марыя Крываногава, абвінавачаны ад жніўня 2013 года па студзеня 2014-га праз інтэрнэт накіроўваў сваім знаёмым і дэманстраваў на асабістым кампутары відэазапісы парнаграфічнага характару, у тым ліку з удзелам непаўналетніх.
Таксама сабраныя доказы, што абвінавачаны шматразова здзяйсняў гвалтоўныя дзеянні сэксуальнага характару ў дачыненні двух падлеткаў.
Знаходзячыся пад следствам, абвінавачаны адмовіўся даваць паказанні. Яго віна даказаная паказаннямі пацярпелых і сведкаў, вынікамі ператрусу, шэрагам экспертыз, а таксама іншымі матэрыяламі справы.
Крымінальная справа накіраваная ў суд.
