Авіядыспетчар Алег Галегов, які незадоўга пасля гэтага інцыдэнту збег з сям'ёй з Беларусі, распавёў NYT аб тым, што падчас перамоваў з пілотам Ryanair каманды на дыспетчарскай вышцы даваў афіцэр КДБ. Аўдыёзапісы загадаў ён перадаў ICAO для расследавання.
Што было першым: бомба або "тэрарыст"?
Яшчэ пазней, 26 мая 2021 года, Лукашэнка адразу абверг тое, што было напісана ў "Пул першага" пра "экстремисте на борце".
"Пул першага": тое, што сярод пасажыраў апынуўся экстрэміст — тым больш не пытанне тых, хто прымаў рашэнне аказаць дапамогу пасажырскаму борту, які сігналізаваў аб праблемах.
Лукашэнка: была бомба ці не, але калі б мне далажылі аб тым, што ў самалёце тэрарыст, я б неадкладна аддаў загад пасадзіць самалёт.
24 траўня 2021 года начальнік крымінальнай паліцыі Літвы Раландас Кішкіс заявіў, што пасля пасадкі ў Мінску, у Вільню не даляцела пяць чалавек: Раман Пратасевіч, ягоная дзяўчына Сафія Сапега, хто яшчэ — невядома. Меркавалася, што гэта маглі быць супрацоўнікі КДБ, якія сачылі за парай.
Таксама на першых відэа, якія з'явіліся неўзабаве пасля затрымання Пратасевіча на міліцэйскіх тэлеграм-каналах, былі бачныя сляды збіцця і на руках сляды ад кайданкоў.
Пікам стала інтэрв'ю тады вядучаму АНТ Марату Маркаву, дзе Пратасевіч не стрымліваў эмоцыі і плакаў, калі казаў пра надзею ўсё выправіць і жыць звычайным жыццём і перастаць бегчы. Атрымліваецца, гэта ўсё быў фарс?
За працу ў NEXTA Раману Пратасевічу былі выстаўленыя абвінавачванні паводле больш чым 10 экстрэмісцкіх артыкулаў. Прысуд па справе абвясцілі 3 мая 2023 года. Рамана Пратасевіча асудзілі на 8 гадоў калоніі ўзмоцненага рэжыму. Але 22 мая 2023 года стала вядома пра яго памілаванне.
І самае важнае пытанне, калі Раман Пратасевіч, паводле версіі Лукашэнкі, сапраўды, на момант пасадкі самалёта быў супрацоўнікам спецслужбаў, то калі ён пачаў сваю дзейнасць у гэтай ролі?
