Літва спыніла расследаванне па справе аб пасадцы самалёта Ryanair
Самалёт Ryanair, фота ілюстрацыйнае
Літва спыніла расследаванне па справе аб пасадцы самалёта Ryanair у Мінску, паведамляе Генпракуратура краіны.
Расследаванне было спынена ў сувязі з тым, што аналагічнае расследаванне праводзіцца ў Польшчы, і сумесная літоўска-польская следчая група прыняла рашэнне аб працягу дасудовага расследавання і прыцягнення вінаватых асоб да крымінальнай адказнасці ў Рэспубліцы Польшча.
Самалёт Ryanair з Афін у Вільню прымусова пасадзілі ў Мінску з-за нібыта наяўнасці на борце выбуховага прыстасавання. У выніку пасадкі сілавікамі затрымалі Рамана Пратасевіча і Сафію Сапега. У дзень пасадкі адпаведнае расследаванне было распачата літоўскімі органамі за выкраданне паветранага судна.
